முதன் முறையாக தனுஷ், கவுதம் மேனன் இணையும் புதிய படம்!

3 படத்தை தொடர்ந்து இந்தி படத்தில் பிஸியாக இருக்கும் தனுஷ், அடுத்து கவுதம் மேனன் படத்தில் நடிக்க போவதாக தகவல் வெளியாகியுள்ளது. மின்னலே தொடங்கி விண்ணைத்தாண்டி வருவாயா படம் வரைக்கும் தொடர் வெற்றி படங்களை கொடுத்து டைரக்டர் கவுதம் வாசுதேவ் மேனன். இப்போது ஜீவா-சமந்தாவை வைத்து நீ தானே என் பொன்வசந்தம் என்ற படத்தை இயக்கி வருகிறார். முதன்முறையாக இளையராஜாவை தனது படத்திற்கு இசையமைக்க வைத்திருக்கிறார் கவுதம். இப்படத்தின் சூட்டிங் விறுவிறுப்பாக நடந்து வருகிறது.

இந்நிலையில் நடிகர் தனுஷூம், கவுதம் மேனனும் இணைந்து ஒரு படம் பண்ண இருப்பதாகவும், இதற்காக சமீபத்தில் இருவரும் சந்தித்து பேசியாக கூறப்படுகிறது. தற்போது தனுஷ் இந்தி படமான ரஞ்னாவிலும், அதற்கு அடுத்து பரத்பாலா இயக்கத்தில் ஒரு படத்தில் நடிக்க இருக்கிறார். அதேபோல் கவுதமும் நீ தானே என் பொன் வசந்தம் படத்திற்கு பிறகு விஜய்யின் யோஹன் அத்தியாயம் ஒன்று படத்தை இயக்க இருக்கிறார். இருவரும் தங்களுடைய படங்களை முடித்த பின்னர் இணைவார்கள் என்று கூறப்படுகிறது. மேலும் இந்தபடத்திற்கு இசையமைக்க போவது கொலவெறி புகழ் அனிருத் என்றும் நம்பப்படுகிறது.

Keywords: Tamil News, Tamilnadu Latest News, Online News Portal, Online Tamil News, Latest Cinema News, Tamilnadu Cinema News, online Cinema News, Cinema News, Cinema Trailers, Movie Trailers.

Twitter Delicious Facebook Digg Stumbleupon Favorites More